Ginasulong it Sangguniang Bayan it Kalibo sa taeatapan ni Mayor Juris Bautista Sucro ag sa Tourism and Cultural Affairs Division nga ibutang ro mga Old Kalibo Statue ag iba pang mga Historical Landmark sa Coastal Area ng Barangay Pook sa banwa it Kalibo.
Ginhayag ni SB Member Ronald Marte nga patindugan it mahabang revetment wall sa Barangay Pook, ag igto ibutang sa kahabaon it revetment wall ro mga Landmarks kaparehu it Rebulto ni Datu Bangkaya, Aloha o Mosberg ag ro Sarok.
Suno pa kay SB Marte, magiging dugang nga Tourist Attraction pa ro mga raya sa lugar partikular sa area it Pier I ag Pier II kung siin, ro mga naga pamasyar sa lugar hay makita ro Kalibonhon Cultural Heritage. // ANN DESLENE SALAZAR
