KORONADAL CITY- UMABOT na sa 628 na mga pasyente sa probinsya ng South Cotabato ang natulungan at nakabenepisyo sa Free Patient Transport Services ng Provincial Disaster Risk Reduction and Management Office o PDRRMO.
Inihayag ni PDRRMO – OIC Rolly Aquino na ang mga ito ay libreng nasundo at naihatid sa kanilang mga bahay mula o papunta sa mga hospitals sa iba’t ibang bahagi ng Mindanao.
Binigyang diin ni Aquino na hindi sinisingil ang mga pasyente ng bayad sa fuel at sa driver.
Samantala, bukas naman 24-oras ang emergency operations center ng PDRRMO at hotline numbers na 09691915810 at 09275426430 na maaaring tawagan ng mga mamamayan sa panahon ng emerhensya.
