Timbog ang tatlong indibidwal matapos ang magkahiwalay na operasyon ng mga awtoridad sa Sariaya at Padre Burgos, Quezon nitong Agosto 4 hanggang 5.
Sa Padre Burgos, Quezon, nadakip ang mga suspek na sina alyas “King” , 41-anyos at alyas “Mama Sang”, 42-anyos habang sa bayan ng Sariaya naman nadakip ang isa pang suspek si alyas “Alas”, 49-anyos.
Nasamsam sa mga suspek ang hinihinalang droga na tinatayang nagkakahalaga ng mahigit ₱2,100,000.
Samantala, nasa kustodiya ng mga awtoridad ang mga suspek na nahaharap ngayon sa kasong may kinalaman sa iligal na droga.
