Sa alima eun it army ro sambilog nga ginapatihan nga high-ranking female official it New People’s Army (NPA) matapos madakop sa engkwentro sa tunga it 79th Infantry Battalion ag militaneng grupo sa Sitio Banwa Minatay, Brgy. Marcelo, Calatrava, Negros Occidental.
Base sa pahayag it 3rd Infantry Division ng Philippine Army, naaresto it mga otoridad ro deputy secretary it North Negros Front nga si Isabel o mas kilaea sa tawag nga “Maolin.”
Presente nga sa Calatrava Municipal Police Station ro miltanteng lider ag nagahueat it kaso nga ipasaka kuntra kana.
Ro nasambitan nga engkwentro hay nagbuhay it 20 minuto kung siin may kabieogan nga 14 ka mga rebelde ro imbolbado sa engkwentro./JIL B. LACSON
