Hindi pa magtatapos ang journey ni Herlene Budol bilang beauty queen dahil target pa nitog sumali sa mga international pageants.
Ito ay taliwas sa naunang pahayag ni Herlene na ang Bb. Pilipinas 2022 ang huling beauty pageant na kanyang sasalihan, kung saan nagtapos siya bilang first runner-up.
Ayon sa manager nitong si Wilbert Tolentino, humingi siya ng pahintulot mula Bb. Pilipinas para ipadala si Budol sa international competitions.
Dagdag ni Tolentino, gagamitin pa rin ng comedienne at social media star ang wikang Tagalog dahil ito ay isang marka para sa kanya, na ginamit niya sa Binibining Pilipinas.
