GIMANDU na sa labaw sa kapulisan sa GenSan sa mga sakop ang pagpailawom sa imbestigasyon dungan sa pagkakumpiska sa milyon pesos kantidad sa iligal nga droga sa buy -bust operation. Matud ni PCol. Paul Bometivo, acting city director sa GenSan City Police Office (GSCPO) gipalusad na niya og imbestigasyon ang mga sakop.
Aron mailhan ang supplier sa iligal nga droga sa dinakpan nga si Jason Lacsamana, 47-anyos, taga Toril, Davao City. Si Lacsamana ang gikonsiderang high value personalidad human nasuta nga wala kini laing trabaho gawas sa pagpamaligya og gidiling droga. Una nang, gibutyag sa opisyal nga ang P1 milyon kantidad sa gituohang shabu nga nakumpiska sa posisyon ni Lacsamana.
Ang labing dako nga recovery sa illegal drugs sa siyudad sa usa lang ka operasyon. Giawhag ni Bometivo ang publiko nga dili magduha duha og paabot og taho kanila kalabut sa unsa mang iligal nga aktibidad. Kahibaloan nga nasikop si Lacsamana, Sabado sa Bula- Lagao road, Barangay Bula human sa duha ka semana nga surveillance. I Richel Gubalani
