LEGAZPI CITY – Nahuli na ng Tiwi Municipal Police Station ang isang helper sa Southville 4, Phase 3, Blk. 8, Lot 24, Brgy. Pooc, Sta. Rosa, Laguna dahil sa kasong rape sa bayan ng Tiwi, Albay.
Kinilala ang akusado na si alyas “Marlon”, 45-anyos residente ng Brgy. Salay, Buhi, Camarines Sur.
Ayon sa report, matagal nang pinaghahanap ng mga otoridad ang akusado hanggang sa matagpuan ang kinaroroonan nito ay dito na isinilbi sa kanya ang warrant of arrest na pirmado pa noong May 29, 2007 sa nasabing kaso.
Wala ring piyansang ibinigay ang korte para sa kanyang pansamantalang kalayaan.
Ang akusado ay nakatakdang ibyahe pabalik sa kanyang court of origin upang harapin ang isinampang kaso laban sa kanya.
