Mipasidaan ang buhatan sa City Disaster Risk Reduction and Management Department kon CDRRMD sa katawhan nga magmatngon ug magpabiling ‘hydrated’ tungod sa nasinating kainit sa panahon.
Basi sa gipagawas nga heat index sa CDRRMD pinaagi sa PAGASA karong adlawa, anaa sa kapin 30 degrees nga kainit ang matagamtaman sa syudad nga posibleng moresulta sa dehydration ug heat stroke.
Busa, nanawagan usab si Cagayan de Oro City Mayor Rolando “Klarex” Uy sa katawhan sa syudad nga moinom kanunay og tubig ug likayan ang sobrang pagbulad sa init.
