Magsisilbing palatandaan sa mga establishments ang safety seal na igagawad ng lokal na pamahalaan bilang tugon sa pagpapatupad sa inilatag na health protocols sa Batangas City.
Magsisimula maggawad ng safety seal ang pamahalaang lungsod sa mga establisimyento sa mapapatunayang compliant sa ipinatutupad na minimum public health standards base sa itinatadhana ng mga guidelines para sa Safety Seal Certification Program.
Layunin nito na masiguro na istriktong naipapatupad ng mga establisyimento ang mga health safety protocols upang matiyak ang kaligtasan ng mga mamimili gayundin ay maaring tingnan ito ng mga customers upang mahikayat sila, ang publiko na tangkilikin ang mga business establishments na nagawaran na ng safety seal.
Sisimulan naman ang inspection sa mga estbalishments sa Batangas City ngayong araw.
