KORONADAL CITY- PITONG mga paaralan sa lalawigan ng South Cotabato ang benepisyaryo ng P 3.5 million na solar energization project ng One Meralco Foundation at South Cotabato DepEd Division.
Ayon kay Schools Division Superintendent Ruth Estacio na nagpapatuloy ngayon ang installation ng solar power systems sa mga identified schools sa mga far flung areas ng T’Boli at Lake Sebu.
Kabilang sa mga benepisyaryo ng naturang proyekto ang Kule Elementary School, Blo Elementary School, Lemkati Elementary School, at Ellaw Elementary School sa Tboli, at ang Talaytay Elementary School, Proper Ned Elementary School-Upper Salban Extension, at Datu Kahar Macasayon Elementary School sa Lake Sebu.
Inihayag ni Estacio na layon nito na mabigyan ng estableng supply ng kuryente ang naturang mga paaralan upang mapaigting at mapabuti ang pagtuturo at pag-aaral ng mga estudyante. Maliban sa mga solar panels at mga ilaw, nagbigay din ang One Meralco Foundation ng desktop computers, laptop at mga television sets.
