Hugot nga gimonitor sa Philippine Drug Enforcement Agency sa Central Visayas (PDEA 7) ang bag-ong matang sa ilegal nga drugas nga gitawag og happy water nga nisulod sa Thailand ug Myanmar.
Kini adunay matang sa gidili nga substansiya, usa ka pulbos nga mahimong isagol sa mga ilimnon nga kasagaran gisilbi sa mga high-end nga bar.
Matod ni PDEA 7 information officer Leia Alcantara, ang happy water usa ka kombinasyon sa shabu, ecstasy, caffeine, diazepam, tramadol ug ketamine.
Sa impormasyon nga nadawat ni Alcantara, makadaot sa tawo ang pag-inom og happy water o cocktail drugs tungod makapapas-pas kini sa pitik sa kasingkasing ug motaas ang presyon sa dugo nga makadaot sa internal organs.
Ang Happy Water gikataho nga tulo ka pilo nga mas grabi ang epekto niini itandi sa shabu ug ecstasy.
Tungod niini, hugot nga nakig-alayon ang PDEA sa ilang counterpart sa ubang kanasuran sama sa Thailand ug Myanmar aron mailhan ang mga indibidwal nga nagpaluyo niini ug pugngan nga mokatap kini sa Pilipinas.///
