LEGAZPI CITY – Aabot sa halos 60,000 o 59,014 na mga magsasaka at mangingisdang apektado ng El Niño mula sa tatlong mga lalawigan sa Bicol ang nakatanggap ng 20 million pesos na halaga ng family food packs at cash for work mula sa Department of Social Welfare and Development (DSWD) Bicol.
Ang mga benepisyaryo ay mula sa 566 na mga barangay sa mga lalawigan ng Albay, Camarines Sur at Masbate.
Samantala, may ilan ding mga lalawigan sa rehiyon na halos tatlong buwan nang hindi nakakaranas ng pag ulan kaya’t minabuti ring tulungan ang mga benipisyaryo para sa kanilang hanapbuhay.
