Inihayag ni Cabinet Secretary Karlo Nograles na dapat masiguro ang kaligtasan ng bawat pamilyang Pilipino.
Ito umano ang dahilan ayon sa kalihim kung bakit mas pinalawak pa ng pamahalaan ang proteksiyon sa ating mga kababayan ngayong typhoon season kung kailan maraming pamilya ang naaapektuhan dahil sa masamang panahon.
Ginawa ni Nograles ang pahayag sa 50th virtual turnover ng 94 housing units sa San Antonio Homes site sa Brgy. Linao, San Isidro, Leyte noong August 5, 2021 sa pakikipagtulungan ng National Housing Authority at ng local government unit.
Dagdag pa ni Nograles na chairman din ng Inter-agency Task Force for the Unified Implementation and Monitoring of Rehabilitation and Recovery Projects and Programs sa Yolanda-affected Areas na aabot na sa 24,955 free housing units sa iba’t-ibang lugar sa Region 8 ang naipamahagi na simula noong 2019 at marami pang units ang ipamimigay bago magtapos ang termino ni Pangulong Duterte.
Kabilang sa mga completed housing units na makikita sa mga lokalidad ay ang sumusunod: Carigara, Leyte (2,285 units); Inopacan, Leyte (133 units); Tacloban City (9,032 units); Guiuan, Eastern Samar (610 units); Ormoc City, Leyte (1,419 units); Cabucgayan, Biliran (258 units); Biliran, Biliran (1,265 units); Almeria, Biliran (929 units); Basey, Samar (3,926 units); Burauen, Leyte (187 units); Baybay, Leyte (356 units); MacArthur, Leyte (112 units); Mercedes, Eastern Samar (139 units); Gen. MacArthur, Eastern Samar (234 units); Quinapondan, Eastern Samar (623 units); Sta. Fe, Leyte (500 units); Balangiga, Eastern Samar (383 units); Hernani, Eastern Samar (713 units); Lawaan, Eastern Samar (949 units); Villaba, Leyte (358 units); at San Isidro, Leyte (94 units).
Binigyan diin ng opisyal ang maayos na koordinasyon ng NHA at beneficiary LGUs ang dahilan kung bakit naging mabilis ang implementasyon ng Yolanda Housing Program sa ilalim ng Duterte administration.
