Umabot sa P15.1M halaga ng produktong agrikultura ang nawasak sa lalawigan ng Sorsogon na nakaranas ng malakas na mpag-ulan at pagbaha dahil sa shear line noong nakaraang lingo, ayon ito sa ulat ng Dept of Agriculture (DA)-Bicol.
Ayon sa ahensya, nasira ng masamang panahon ang P22.4M na pananim sa Bicol, ang halaga ay ang pinagsam-samang ulat sa agri-damage, hindi lang sa Sorsogon kundi maging sa lalawigan ng Albay at Masbate.
Ang kabuuang halaga ay katumbas ng 568 ektarya ng mga pananim, kabilang ang palay, ang nawasak.
May kabuuang 1,282 metric tons ng bigas naman ang nasira dahil sa baha sa mga nasambit na tatlong probinsya.
Tiniyak naman ng DA na ang mga buto para sa mais, gulay, bitamina para sa mga hayop, at iba pang tulong ay nakahanda na para sa pamamahagi upnag matulungan ang mga apektadong magsasaka.
