Naga-abot sa P1.6M nga danyos ru gin hatud it sunog sa sangka panimaeay sa Sitio Tigaw, Pob. Makato, Aklan kahapon.
Sa interview it BRIGADA News FM Kalibo kay SFO1 John Henry Ildesa it Bureau of Fire Protection (BFP)-Makato, haeos totally burned eon ru panimaeay kat nag-abot ru BFP-Makato sa nasambit nga lugar.
Sa imbistigasyon, gina panag-iyahan nanday Mr. Amer ag Mrs. Luzviminda Piñalosa ru nasunog nga panimaeay.
Ru nasambit nga panimaeay hay himo sa concrete materials.
Nag-umpisa ru sunog mas sobra alas 3:00 sa hapon ag gin deklara nga fire-out alas 4:02 kahapon it hapon.
Ma swerte nga uwa it casualty sa natabong sunog.
Indi pa masayuran it mga bombero kun ano ru gin halinan it sunog rason nga padayon pa ru follow-up nga imbisitigasyon it BFP-Makato.//MARIVIC Y. ILIN
