Arestado it Iloilo City PNP ro sangka gun runner sa ginpatigayun nga buy-bust operation sa Barangay San Jose, Arevalo, Iloilo City.
Ginkilaea it Iloilo City Police Office, City Intelligence Unit ag Iloilo City Police Station 6 ro suspek nga si Jieben Villanueva, 28 anyos nga taga Alimodian, Iloilo ag presenting nagaistar sa Barangay Sto. Rosario Duran, City Proper, Iloilo City.
Naaresto si Villanueva matapos magbaligya sa sangka police poseur-buyer it sangka unit it caliber .45 pistol, daywa ka caliber .45 magazine nga may daywang bilog nga live ammunition kabaylo it P12,000.00.
Si Villanueva hay ginpaidaeum sa surveillance bangud sa pagbaligya it bukon it lisensyadong baril bago pa imaw maaresto.
Ro akusado hay sa kustodiya eon it Iloilo City Police Station 6 ag nagapangatubang sa kasong pag eabag sa Republic Act 10591 o kilaea bilang Comprehensive Firearms and Ammunition Regulation Act. / ANN DESLENE SALAZAR
