LEGAZPI CITY – Tinawan nin pagbisto kan Sangguniang Panlalawigan kan Albay an sarong Guinobateño makalihis na makua kaini an 2nd Place sa Junior Category kan sketchfest art competition sa Metro Manila.
Binisto ining si Cris Lovell A. Boreta, Grade 9 student kan St. Benedict Academy asin residente kan Brgy. Irayat kan nasambit na banwaan.
Segun kay Board Member Eva Ribaya, dae matatawadan an saiyang ipinahiling na tibay sa kompetisyon na sarong orgulyo sa probinsya.
Maabot sa labi 400 an saiyang naging kalaban gikan sa manlaen-laen na lugar sa nasyon.
Makakaresibe nin cash incentives si Orobeta na hale sa sanggunian bilang pagtaong pasasalamat sa pagrepresentar sa probinsya.
