DISMAYADO ang advocacy group sa GenSan pagbaliwala sa opisyal sa Local AIDS council kalabut sa hagit nga giatubang sa Person Living with Human Immunodeficiency Virus (PLHIV). Matud ni Cris Lopera, executive director sa gender rights ug reproductive health advocate Shine Soccskargen Inc.,
Milabay ang duha katuig hangtud karon base sa iyang impormasyon wala nag-convene ang mga miyembro sa maong council. Tambag niini, kung daghan og gihimo ang elected official nga chairperson sa council ihatag na lang ang trabaho sa uban.
Aron dili matanggong ang mga programa alang sa mga PLHIV sa dakbayan nga labing nanginahanglan og tabang. Ang dakbayan ang dunay gimugna nga HIV/AIDS Council nga gilangkuban sa nagkadaiyang ahensiya ug stakeholders. Gihingusgan niini nga ang padayong pagsaka sa kaso sa HIV/AIDS sa siyudad ang dako nga problema ug kinahanglan og gilayong aksyon. Base sa ulahing, rekord sa City Health Office HIV/AIDS Core Team nakatala og 112 kaso ug nakita ang 44 nga increase nakalabay’ng tuig. ( Richel Gubalani)
