CAMARINES NORTE – Tiniyak ng Sangguniang bayan ng Daet ang agarang pagtugon sa lahat ng mga reklamong ipapaabot sa kanila ng mga commuters sa bayan ng Daet
Sa pahayag ni Konsehal Marlon Bandelaria, SB Chairman ng Public utilities, transportation and Communication at Chairman ng Tricycle Regulatory Unit, bubuo sila ng isang grievance committee na syang hahawak at tutugon sa lahat ng mga reklamong idudulog ng mga commuters sa kanilang tanggapan
Matatandaan na nitong nakaraang biyernes, sa isinagawang public hearing ay naging sentro ng talakayan ang mga reklamo ng riding public
Isa sa mga ipinaabot na reklamo ng mga commuters ang sobrang singil sa pasahe ng mga tricycle, masungit na pakikitungo ng mga ito sa pasahero at hindi pagbibigay ng discount sa mga seniors at estudyante
