Naktaeana nga ilunsar ro Greenhouses and Nursery project it Provincial Government of Antique sa ulihi nga dominggo it Pebrero 2022.
Ro nasambitan nga proyekto hay gin umpisahan it gobyerno probinsiyal agud mabuligan ro mga mangunguma it Antique nga magahimo it pinakamanami nga kalidad it mga high value crops, bukon eamang para sa probinsiya kundi maging sa bieog nga Western Visayas.
Base kay Provincial Agriculturist, G. Nicolasito Calawag ro proyekto ngara hay may pakinabang sa mga residente it Barangay Aningalan, San Remigio, kapin pa sa mga maguguma it nasambitan nga barangay.
Maliban dikara, paagi sa greenhouse project, ro mga mangunguma hay pwede makatanom it mga off-season nga mga gulay bangud padayon ro produksyon it maeain-eain nga tanum ag cutflower sa bieog nga dag-on.
Ro mga high value crops kapareho it pechay, carrots, broccoli, ag cutflowers ro itanom sa nasambitan nga greenhouse project./JIL B. LACSON
