NAGA CITY – Posibleng magkaroon ng mga grass fire at forest fire sa mga lugar na ngayong panahon ng tag-init.
Ito ang pahayag sa Brigada News FM Naga ni Benny Antones, Public Information Officer ng Iriga City Environment and Natural Resources o CENRO Iriga.
Aniya, kinakailangang mag-ingat o iwasang gumawa ng mga dahilan sa pagkakaroon ng sunog ngayong tag-init dahil malaki ang posibilidad na magkaroon ng malawakang sunog, katulad ng nangyare sa ibang bahagi sa bayan ng Baao, Camarines Sur, nitong nagdaang buwan kung saan napabayaang upos ng sigarilyo ang dahilan at malawak na bahagi ang naapektuhan. Nagkaroon din ng grassfire sa Pasacao nitong Marso lamang.
Kaya paalala nito na huwag basta-basta magtatapon ng mga basura kung saan-saan lalo na ang sigarilyo at iba pang mga bagay na maaaring maging dahilan ng pagkakaroon ng sunog.
