TARGET karon ni Sarangani Governor Rogelio “Ruel” D. Pacquiao nga masakmit sa probinsya sa Seal of Good Local Governance (SGLG) award.
Sa pakigtagbo sa governor sa team sa pagpanguna ni DILG12-SP OIC Provincial Director Samuel Camaganacan gibutyag niini nga goal sa iyang administrasyon nga mapasidunggan ang probinsya og Seal of Good Local Governance (SGLG) award.
Ang SGLG award ang usa ka progressive performance assessment system sa DILG nga mohatag og pasidungog sa mga LGU tungod sa ilang maayong performance sa pagdumala.
Matud sa gobernador sa tabang sa tanan, mahimo nilang makab-ot ang maong handom ug himuon usab nila ang tanan aron mahuptan ang SGLG award.
Ang team ni PD Camaganacan adunay gipresenta nga performance oversight kang Governor Pacquiao, asa gihatagan og igong gimbug-aton ang lima ka governance areas aron mahimong maayong LGU nga
nagbaton sa kinaiya nga Accountable, Transparent, Participative, and Effective; Environment-protective, Climate-change Adaptive, ug Disaster-resilient; Business-friendly and Competitive; Social-protective and Safe; ug Peaceful and Orderly.
Gitino usab sa governor nga ang maong mga qualities ang nalatid na sa iyang direksyon sa pagdumala ug sa flagship program nga mao ang Ronda Probinsya.
Gipaniguro usab nga ang iyang local plans ang nasubay usab sa National Thrust and Priorities.
