GIPASAYLO sa tagbalay ang usa ka batan-ong lalaki nga nasakpang nanglungkab ug balay sa daplin sa baybay sa Kawas, Alabel, Sarangani province.
Sumala sa pulis nga nagtagbo ang reklamante ug ang ginikanan sa suspek unya naghusay sa problema.
Gipaklaro ni PCapt Kathrina Alegarbes, sa Alabel PNP nga sa ilang bahin andam sila nga motabang sa mga biktima sa kawat aron mapasang-at ang pormal nga reklamo sa korte apan naga dependi gihapon sa mga reklamante.
naatol lang nga kabanay sa tagbalay ang suspek ug na estoryahan ang problema.
Samtang ang opisyal sa purok walay ikasulti nga dautan sa ginikanan sa usa ka suspek gumikan mga buotan daw ang ginikanan.
Apan sa nahitabo gusto usab ni Chairman Maximo Dela Rosa nga madisiplina ang batan-on aron matul-id.
Kahibaluan nga gikumperma sa biktima nga si alyas Grace nga dili lang kausa gisulod sa kawatan ang ilang panimalay ug ang ulahi nga pagpangawat ug kwarta nahitabo Oktubre sais sa kasamtangan nga tuig. I Ever Diazon
