MALIPAYON ang kapulisan sa Alabel human nga nagmalampuson ang gitakda sa Comelec nga filing sa certificate of candidacy sugod Oktubre uno hangtud otso.
Sumala sa Deputy Chief for Administration sa Alabel Police Station nga si Captain Kathrina Alegarbes nalipay sila nga nagmalampuson ang filing sa COC nga walay natala nga election related violence.
Nagapanghinaut si Alegarbes sa mga kandidato ug sa mga taga suporta nga mahimong patas sa pag abot sa kampanya.
Subay sa talaan sa Comelec-Alabel niabot sa lima ang nilansar sa pagka mayor sa munisipyo, duha sa pagka bise mayor ug 24 sa pagka konsehal.
Sumala sa botante nga si Terrome Salip ang gusto niya nga botaran ang katong aduna nay napamatud-an gikan sa administrasyon.
Sumala usab kay Cocoy Rosendo ang iyang gusto nga butaran katong kandidato nga nagatuman sa iyang mga panaad.
Kahibaluan nga matigayon sa Mayo 12, 2025 ang National ug local Election. I Ever Diazon
–
