DAKPAN sa nagkahiusang pwersa sa kapulisan ang usa ka lalaking gitudlo nga suspek sa pagpatay sa Polomolok, South Cotabato.
Giila ni Police Major Ian Bagot, hepe sa Tambler Police Station ang dinakpan nga si Aljo Aliman, 33-anyos, sikad drayber ug nagpuyo sa Purok Paradise, Barangay Tambler, GenSan.
Matud ni Bagot, nasikop nila si Aliman alas-10:40 sa buntag Miyerkules bitbit ang warrant of arrest sa kasong murder batok kang Aliman.
Dugang sa opisyal ang dinakpan ang gikonsidera nga top 8 most wanted person sa rehiyon-12.
Ang warrant of arrest ang gipirmahan ni Judge Allan Boncavil sa korte sa Polomolok asa walay pyansa nga girekomenda ang korte alang sa temporaryong kagawasan sa dinakpan.
Nakig-alayon na usab karon si Bagot ngadto sa mga pulis sa maong munisipalidad aron masuta ang tinubdan sa kaso nga giatubang sa maong dinakpan. I Richel Gubalani
