NADAWAT na sa ginang ang iyang tabang sa mga miyembro ug dili miyembro sa KaBrigadahan GenSan, adlawng Sabado human nangayo og tabang.
Si Escarlatina Vergados, 68-anyos, taga purok 2, Brgy.Buayan ang nag-antus sa infected foot tungod sa sakit ug nakasinati usab og mild stroke ug nagahigda na lang.
Segun sa bayaw niini nga si Lowela Vergados, nga naluoy siya sa kahimtang ni Escarlatina tungod daghan ang tambal nga kinahanglan niini ug nag-inusara lang tungod walay asawa.
Sulod sa duha ka oras nga panawagan, natigom ang P6,600 nga gipadala sa mga miyembro ug dili miyembro sa KaBrigadahan nga hugot nilang gipasalamatan.
Samtang gipasalamatan usab ni Brigada Ymeir Shann Catulpos ang mga mitabang ug gipasalig nga mapadak-an pa ang KaBrigadahan aron mas daghan pa ang matabangan.
Bisan matud pa sa mga pagpangdaut ug gustong gub-on ang programa, magpadayun kini ug dili magpapildi sa mga gapangdaut tungod maayo ang tumong sa KaBrigadahan, nga mao ang matabangan ang mga naglisod nga katawhan, dili lang dinhi sa GenSan apan sa ubang lugar sa umaabot nga adlaw.
