Gindeklara makarun nga rabies-free ro Gigantes island ag daywang iba pang barangay sa Carles, Iloilo.
Base sa Provincial Health Officer I nga si Dr. Wendel Tupas-Marcelo, nakalista ro Gigantes it zero incidence it human and animal rabies sa nakataliwan nga daywang dag-on ag nakapasar sa evaluation ag validation nga ginpatigayun it Rabies Control Committee Technical Working Group.
Sa makarun, may una nga 26 rabies-free areas sa probinsya it Iloilo; 6 kara ro halin sa Carles, 18 sa Concepcion, ag daywa sa Ajuy.
Suno man kay provincial veterinarian Dr. Darel Tabuada, tinutuyo it provincial government nga maideklara ro bilog nga probinsya it Iloilo nga rabies-free sa pag abot it 2030. / ANN DESLENE SALAZAR
