SUBLING nadepensahan sa General Santos City delegation ang kampyonato sa bag-ohay lang nahuman nga SOCSKSARGEN Regional Athelitic Association Meet 2024 pagkahuman nga wala gitugotan sa mga player sa dakbayan nga maagaw ang over all nga kampyonato batok sa hugot niining karibal nga South Cotabato.
Gibulsa sa Gensan delegation sa regular sports ang 124 nga gold medal batok sa South Cotabato nga nakaangkon lang og 115 nga gold, gisundan sa Cotabato Province nga dunay 45 nga gold, Koronadal City 34, Kidapawan City nga may 31, Tacurong City 30, Sarangani province 14 ug Sultan Kudarat 12.
Gumikan sa kalampusan sa SRAA 2024 ginapasalamatan ug ginadayeg ni DepEd-12 Regional Director Carlito Rocafort ang host nga LGU ug schools division. I Danny Casi
