GIKUMPIRMA ni PDEA-12 regional director Naravy Duquiatan nga siyam ka barangay pa lang sa GenSan ang drug cleared gikan sa kinatibuk-ang 26 ka barangay.
Ang ubang barangay segun niini ang kandidato na isip drug cleared apan kinahanglang natuman ang mga patakaran nga gitakda sa Dangerous Drugs Board.
Gitino usab ni Duquiatan nga dili basta basta ang pagdeklara og drug cleared sa usa ka lugar tungod sa angayang nasunod ang mga patakaran, sama sa drug rehabilitation sa mga drug surrenderee ug wala nay bag-ong drug personalities.
Aminado kini nga isip business hub ang GenSan, daghang katawhan ang ilang monituron gawas pa nga daghan ang gasulod sa syudad aron manarbaho ug negosyo.
Sa karon dugang ni Duquiatan nga gapaningkamot matud pa ang PDEA sa tabang sa kapulisan, LGU ug ubang government agencies nga masulbad ang problema sa gidiling druga.
