Simula bukas ay epektibo na ang ‘dagdag-bawas’ sa presyo ng mga produktong petrolyo.
Madaragdagan ng P0.95 ang kada litro ng gasolina; habang mayroon ding umento na P0.50 sa kada litro ng kerosene.
Mayroon namang ipatutupad na katiting na rollback sa diesel sa P0.20 na tapyas sa kada litro.
Epektibo ang adjustment bukas, alas-sais ng umaga sa Pilipinas Shell, Jetti, PTT Philippines, Flying V, PetroGazz, SeaOil; habang hatinggabi naman sa Caltex; at alas-kuwatro ng hapon bukas sa CleanFuel.
Kung matatandaaan – ito na ang ikalawang linggong sunod na price hike sa gasolina at kerosene matapos ang ilang linggong sunud-sunod na rollback.
#
