Walay major damage nga natala ang local Disaster Risk Reduction and Management Council sa Mati City nunot sa pag-igo sa 7.3 magnitude nga linog kagahapon sa kadlawon.
Apan sumala kang Mati Information Office head Ben Tesiorna, adunay mga hairline cracks o gagmayng liki ang namatikdan sa City Hall compound apan wala matud pa kini epekto sa structural integrity sa mga building.
Padayon pa sab ang inspeksyon sa ubang buildings ug mga eskwelahan aron siguruhong luwas kini gamiton sa mga empleyado.
Sa laing bahin, nabungkag ang glass door sa Human Resource Management Office sa Tagum City nunot sa kusog nga pagtay-og kagahapon.
Sumala ni City Engineer Roosevelt Corporal, gawas sa glass door sa HRMO sa City Hall natala usab ang mga cracks sa ubang bongbong sa Government Center samtang gisubay nasab ang City Cultural & Historical Center. BNFM-Davao
