Nanganganib na hindi maka-renew ng prangkisa ang Palawan Electric Cooperative (PALECO) bilang power provider sa Palawan ayon kay Board Member Anton Alvarez.
Aniya, pinag-aaralan nila ang paggawa ng resolusyon upang harangin ang PALECO sa pag-renew ng kanilang prangkisa dahil halos lahat ng mga Board Member ay tutol dito.
Nagdududa na rin umano ang mga lokal na mambabatas kung bakit hindi matuloy-tuloy ang Annual General Membership Assembly Meeting (AGMAM) na parang may itinatago ang kooperatiba.
Samantala, pinag-aaralan ngayon ng Sangunian ang paghati sa prangkisa ng PALECO sa dalawa o tatlo upang makapasok din umano ang iba pang mga power provider sa lalawigan.
