Binigyang-diin ni Federation of Free Farmers Cooperatives, Inc. (FFFCI) national manager at former Department of Agriculture (DA) secretary Raul Montemayor na hindi nila tinututulan ang planong pababain ang presyo ng mga prime commodity gaya ng karne at bigas.
Ito ay kaugnay sa pagpapalawig ng lower pork tariff rates sa 2024.
Aniya, tatlong taon nang umiiral ang naturang sistema pero hindi pa rin naman tumatalab.
Giit ni Montemayor, hindi niya maintindihan ang NEDA at DOF na puro importation na lang ang iniisip.
Kapag masyado aniyang umaasa sa import, lalo lang magiging palaasa ang bansa.
Sa huli, nanindigan ang opisyal na may mali sa marketing system ng bansa kung saan ang benepisyo ng mas mababang taripa ay ibinubulsa ng market players.
Hindi aniya nakikinabang ang mga consumer at napipinsala pa ang mga magsasaka.
