Manami nga balita sa mga mangingisda sa banwa it New Washington bangud ginbawi eon it lokal nga gobyerno ro ban okun pagbawae sa pagpangisda sa baybayon nga sakop it nasambit nga banwa.
Raya hay matapos nga magpaguwa it Executive Order no. 40 series of 2024 nga pirmado ni Mayor Jessica Panambo nga may petsang, June 6, 2024.
Ginbuoe eon ro fishing ban nga ginpatuman ku buean it Mayo bangud sa insidente it oil spill ku Mayo 26, 2024, ngani mahimo eon nga ipadayun it mga residente ro pagpangisda sa mga apektadong lugar, nga mabahoe nga ginhawa para sa ekonomiya ag suplay it pagkaun sa komunidad.// // ANN DESLENE SALAZAR
