Nanawagan ang Philippine Fireworks Association sa goberno na sana raw ay mapagbigyan na ang kanilang kahilingan na magkaroon ng sari-sariling fireworks display ang mga sibilyan sa pagsalubong ng Bagong Taon.
Ito ay makaraaang ipagbawal ng ilang mga local government units (LGUs) ang pagpapaputok nang sarili, at pinahihintulutan lamang manood sa mga public fireworks display.
Sa panayam, sinabi ng tagapangulo ng grupo na si Joven Ong na makatutulong sa pangkabuhayan ng mga kapwa Pilipino kung makabibili pa rin sila ng mga paputok.
Sa huli, umapela naman si Ong sa publiko na huwag nang tumangkilik pa ng mga ipinagbabawal na paputok para makaiwas sa disgrasya.
Aniya, para masigurong ‘Happy’ ang pagsalubong ng New Year – dapat ay siguruhin ng mga Pilipino na mayroong ‘PS mark’, ‘o ‘yung Philippine Standard sticker ang mga mabibiling firecrackers.
