Igapatigayun ro final testing and sealing (FTS) it mga Vote Counting Machines o VCM sa Sabado, Mayo 7, 2022.
Bangud kara, gin-engganyo it Commission on Elections (COMELEC) ro mga botante ag mga political candidates nga magpartisipar sa nasambit nga kahiwatan.
Base sa COMELEC Region 6, Dungan nga igapatigayun raya sa mga polling places sa bilog nga Region 6.
Nasayuran nga importante ro nasambit nga aktibidad para makita nga nagagana ro mga VCM nga pagagamiton sa adlaw it eleksyon ag para maayos eagi kung may makitang problema sa mga VCM. / ANN DESLENE SALAZAR
