ILOILO — Gindeklara nga dead-on-arrival ro Filipino-Pakistani matapos barilon sa Fort San Pedro, Iloilo City Proper.
Ginkilaea ro biktimang si Hamza Pechon Kayani, 31 anyos ag taga West Timawa, Molo, Iloilo City base sa anang identification card.
Nag-angkon raya it nina sa ueo ag likod bangud sa pagbaril ag may ap-at man segun raya nga nina sa anang likod bangud sa pagbuno.
Sa imbestigasyun it kapulisan, may kaibahan nga daywang menor de edad ro biktima ag base sa pahayag ku mga raya, may gulping nagpundo nga motorsiklo sa likod it saeakyan it biktima.
Nagpanaog segun ro backrider ag ginpa-eapitan ro Pakistani ag binaril.
Nasayuran nga sa guwa it anang saeakyan ro biktima kaibahan ro menor de edad nga babaye samtang nagapa-hangin.
Sa report, ro nasambit nga biktima hay ginserbihan it search warrant it 2018 kung siin, narekober sa anang baeay sa Tanza Esperanza, City Proper ro 16 nga sachets it shabu, drug paraphernalia, mga bala it .45 caliber pistol, daywang magazine it M16 rifle ag granada.
Nagapangatubang man segun raya sa kasong murder ag pagpatay sa sangka real estate consultant sa compound it sangka drive-in motel sa La Paz, Iloilo City. / ANN DESLENE SALAZAR
