Inilunsad ni Food and Drug Administration Director General Dr. Samuel Zacate ang task force na magbibigay daan para maging commercially available ang COVID-19 vaccines.
Ang Taskforce Edward, na kapangalan ni British physician Dr. Edward Jenner na kilala sa kanyang trabaho sa immunization, ay naglalayong gawing ligtas at mas epektibo ang COVID-19 vaccines, at mas maging accessible sa mga tao.
Ayon kay Zacate, na ang pagkakaroon ng task force ay magbabawas sa approval at evaluation ng COVID-19 vaccines.
Una nito, naglabas ang gobyerno ng emergency use authorizations (EUA) para sa COVID-19 vaccines at ang mga gamot ay subject sa ilang kondisyon.
Pero dahil sa Taskforce Edward, ang mga maaprubahang COVID-19 vaccines ay bibigyan ng Certificate of Product Registration (CPR).
Ang naturang mga bakuna ay magiging available sa FDA-licensed drug establishments. // MHEL PACIA-TRINIDAD
