Maaring maharap sa kasong perjury si dating Justice Secretary Vitaliano Aguirre II, matapos umano pilitin ang isang testigo laban kay dating Senador Leila De Lima.
Ayon kay dating Senate President Franklin Drilon pinilit ni Aguirre na magsagawa ng mga affidavit na nagsasangkot sa dating mambabatas sa kalakalan ng iligal na droga sa New Bilibid Prison.
Si Aguirre ay itinalaga ni dating Pangulong Rodrigo Duterte bilang Justice secretary, na naging paksa ng mga batikos ni De Lima dahil sa kanyang madugong giyera laban sa iligal na droga.
Sa ilaim ng Revised Penal Code, sinabi ni Drilon na maaaring makulong ng 10-12 taon si Aguirre kapag napatunayang nagkasala.
