NAGPAAMBIT og mensahe si Brigada Elmer V. Catulpos sa katawhan atol sa pag-abli sa Casa Mangga Food Park, sa Conel Road, Barangay Mabuhay, Martes sa hapon.
Gitimbaya sa Ama ng Brigada ang tanang mga negosyante nga nagkahiusa aron ipatukod ang maong negosyo nga maghatag og dugang trabaho sa mga tawo sa Gensan.
Segun ni Brigada Elmer, produkto kini sa imahinasyon ug katumanan sa pangandoy sa mga negosyante nga makatabang sa paglambo sa ekonomiya sa syudad.
Gihulagway niya kini sama sa iyang ‘Gensan dream’ kung asa dali lang nga maka-access ang mga tawo tungod sa kaanindot ug dili na malisdan nga moadto sa layo nga lugar.
Gipasalamatan niini ang mga customer nga usa sa mahimong dalan sa pag-uswag sa negosyo. ‘Saludo ko sa inyong mga damgo nga inyo kining natuman, kamo ang tinood nga hero’ asoy ni Brigada Elmer. Anaa usab sa maong event ang Executive Vice-President sa Brigada Group of Companies nga si Yelcy Yasay Catulpos, ug nakighimamat sa mga customer lakip sa uban nga mitambong. I Enamie Mogpon
