Ginlinaw it lokal nga gobyerno it Iloilo nga uwa it city government policy ro Euthanasia o ‘mercy killing’ sa mga aspin sa Iloilo.
Raya hay matapos magpahayag ro mga animal rights advocates nga ginakondina ro patakaran it “mercy killing” sa mga ayam sa siyudad.
Gin-amin it City Veterinarian nga si Dr. Tomas Forteza nga may mga ayma nga nadakop sa Barangay Navais, Mandurriao ku kan-o eamang ag raya hay ginap-idaeom sa euthanasia.
Ginhambae ni Forteza nga ro mga residente it barangay hay ginasaalang-alang ro andang kaeuwasan rason nga ginhimo eamang nanda ro karapat-dapat.
Bangud sa insidente, nagmandu ro lokal nga gobyerno para sa imbestigasyon.
Base man kay Dr. Forteza, sa tiempo nga mapamatud-an nga ro ayam hay may rabies, parte it andang protocol nga i-euthanize ro nasambitan nga sapat nga naayon sa National Rabies Control Program.
Dugang pa nana ro tungkulin it City Veterinary nga protektahan ro publiko bangud mas importante ro kabuhi it tawo./JIL B. LACSON
