Mas maraming engagements ang ipinangako ng European Union sa Pilipinas.
Ito ang tiniyak ni EU Ambassador Luc Véron sa pakikipagpulong kay AFP Chief of Staff General Romeo Brawner Jr, sa pagbisita ng opisyal sa Camp Aguinaldo.
Ayon kay AFP Public Affairs Chief LtCol Enrico Gil Ileto, nais ng EU na mapalakas ang development at seguridad sa Bangsamoro Autonomous Region in Muslim Mindanao sa pamamagitan ng
institution-building at socio-economic programs.
Nagbigay naman ng suporta AFP Chief of Staff Gen. Romeo Brawner Jr sa mga programang nais ipatupad ng EU at pinuri ang positibong epekto nito sa pag-unlad at pagpapabuti ng seguridad sa Mindanao.
