Kinumpirma ng Ethiopia na mayroon nang mga kaso ng Delta variant sa kanilang bansa.
Ang Ethiopia ang pinakahuling African nation na nagkumpirma ng mga kaso ng Delta variant ng COVID-19.
Sinabi ni Ethiopia’s Health Minister Liya Tadesse na umabot sa 8,300 na tao ang nahawa ng coronavirus kung saan 118 ang huling naitalang namatay.
Sa ngayon ay umaabot pa lamang sa 2.5 million na tao mula sa 114 million na populasyon ng Ethiopia ang nabakunahan.
Kaugnay nito, nanawagan ang Ethiopia ng mas maraming COVID-19 vaccine para mabakunahan ang kahit 20% ng kanilang populasyon.
