Pinaglalamayan na ang isang 18 anyos na binata matapos mamatay nang makuryente sa Poblacion, Araceli.
Ayon sa Palawan provincial Police Office, naiulat ang insidente ganap na 5:50 nitong Huwebes, July 7, 2022.
Ang biktima ay si Jerome Cacatian, estudyante na residente ng Sitio Ongolan, Poblacion, Araceli, Palawan.
Sa imbestigasyon ng Araceli MPS, bago ang insidente ay nagba-basketbol ang biktima kasama ang mga kaibigan nang aksidenteng nadikitan ng binata ang bakal na poste ng basketball ring kung saan nakadikit ang wire.
Isinugod sa Rural Health Unit ang binata subalit hindi na ito umabot nang buhay, ayon pa sa PNP.
