LEGAZPI CITY- Iginawad ng Agricultural Training Institute (ATI) Bicol ang establishment support sa Mommy Nitz Natural Farm na matatagpuan sa San Francisco, Guinobatan, Albay.
Ang naturang supporta ay nasa ilalim ng Organic Agriculture Program (OAP) na binubuo ng mga sumusunod: 60-inch LED TV, Laptop core i3, Multi-purpose printer, External Hardrive, Public Address System, Ring Binder, Paper Cutter, Bond paper, White Board, lamesa at mga upuan.
Ang pagbibigay ng establishment support ay responsibilidad ng ATI Bicol sa kanilang Learning Site for Agriculture (LSA) partners upang makatulong sa kanilang mga aktibidad at adhikain sa paghahatid ng serbisyo sa kanilang mga kliyente (magsasaka, atbp.
Nangako naman ang nasabing farm na pagtitibayin nito ang kanilang partisipasyon sa pagpapayabong ng agrikultura.
