GIGUKOD na otoridad ang mga indibidwal nga lambigit sa engkwentro atong New Year’s day sa kabukirang bahin sa Sitio Liburon, Barangay Datal Batong, Malungon, Sarangani Province.
Matud ni PLt. Col. Jovinson Bayona, hepe sa Malungon Municipal Police Station grupo sa ‘cuttle rustler’ ang nakaengkentro sa CAFGU, “Bagani” force multiplier ug kasundalohan sa utlanan sa Sarangani, South Cotabato ug Davao Del Sur. Nagpahigayon og security patrol ang mga nasangpit sa lugar dihang nakita ang mga armadong lalaki ug didto na nagsugod ang bayloanay og bala.
Ang hitabo ang miresulta sa pagkamatay ni Soliscio Potorio, 42-anyos, CAA ilawom sa Army’s 73rd Infantry Battalion (IB). Asa samaron usab sa hitabo silang Marlon Manduan nga nakahiagum og samad pinusilan sa lugar.
Nakita sa gihitaboan sa engkwentro ang mga bala sa 12-gauge shot gun ug bala sa wala masuta nga matang sa armas. Gilayon usab nga misibat sa wala masuta nga direkasyon ang armadong mga lalaki human sa insidente. I Richel Gubalani
