DAKPAN ang usa ka Engineer lumad nga taga-Cotabato City human nga naharang sa Sirawan checkpoint gumikan sa pagsupak niini sa Comelec gun ba.
Atol sa joint checkpoint sa TF Davao ug sakop sa Toril Police Station, malampuson nga naposasan si Jaspher Siva Elegino, 30, ulitawo, nga taga- Dalingaeon, Pikit, Cotabato ug kasamtangan nga nag-istar sa B33 L2, PH8C Deca Homes resort residence, Tacunan, Mintal, Davao City.
Nasiplatan sa duty personnel sa TF Davao Sirawan Checkpoint ang armas sulod sa sakyanan sa nasangpit nga dinakpan hinungdan nga gipangayuan kini og mga dokumento.
Giangkon ni Elegino nga iya ang maong armas ug duna kini License to own and possess Firearms and Permit to carry firearms outside of residence apan pakyas kini sa pagpakita sa certificate of authority or exemption gikan sa COMELEC, diin nakasupak kini sa BP 881 of the Omnibus Election Code of the Philippines.
Nakuha gikan sa posisyon sa driver ang usa ka unit sa Girsan nga gama gikan Turkey, Mc9 Xtreme .9mm caliber pistol, ug usa ka magazine nga dunay 14 ka mga live ammunitions.
Gikustodiya sa Toril Police Station ang nasangpit nga dinakpan lakip ang iyang sakyanan, samtang gihikay na ang mga dokumento alang sa pagpasaka og kaso batok sa dinakpan.