NAGPATAWAG og ‘emergency conference’ ang labaw sa kapulisan sa GenSan dungan sa pagkatala sa pipila ka ‘missing persons’. Matud ni PCOL. Gilberto Tuzon, director sa GSCPO gimanduan na niya ang mga sakop sa pag-imbestiga ug pagpangeta sa mga nangawala.
Nakig-alayon na usab sila sa kasigbit nga lugar sama sa Sarangani ug South Cotabato alang sa posibleng giadtoan sa mga missing.
Giestorya na usab sa kapulisan matud pa ang pamilya sa mga nangawala isip kabahin sa imbestigasyon. Gigamit na usab nila ang ‘GenSan big-eye’ ang ilang social media platform aron makita ang mga nasangpit.
Kahibaloan nga nakalabay’ng semana pa nawala ang tulo ka menor de edad ug usa ka edaran nga hangtud karon wala pa igkita.( Rich Gubalani)