Umabot sa P45,000 ro na-scam sa sangka 41 anyos nga eaeaki iya sa Kalibo, matapos rayang mag apply online it part time job.
Sa reklamo kara sa Kalibo MPS, Agosto 21 kat nag apply imaw sa Uptown talent ag sa mismong adlaw ngato hay gintawagan imaw it sangka babaye ag ginhambaean ro biktima nga kung gusto kara nga makaintra sa andang advertising firm, kinhangean nana nga mag follow it 25 tiktok blogger sa sang adlaw, ag sa kada pag follow kara sa nasambit nga mga blogger hay magakita imaw it P50 ag imaw hay pagabayarana pinaagi sa Gcash.
Dikara eon segun nag umpisa ro andang pag istorya it ginasugid nga agent ag trainer nga kung siin, ginhambaean ro biktima nga magpadaea it P800 ag igabalik raya sa biktima it P1,200 ag pagatur-an pa imaw nga mag gamit it bitcoin ag kung nag invest ro biktima hay owa pa it 3 minuto hay igabalik eon kana ro kwarta.
Hasta sa nag abot eon sa P45,000 ro naipadaea nga kwarta it biktima sa mga gintumod nana nga mga suspek ag kat kutan on nana ro mga raya parte sa anang initial investment hay indi eon nana makontak ro mga raya.
Ginpakamayad ku biktima nga i-report sa Kalibo MPS ro nasambit nga insidente nga gin-refer man sa Regional Anti-Crime Unit ag padayun makarun nga ginaimbestigahan. // ANN DESLENE SALAZAR
