Dead on arrival sa Aklan provincial hospital ro sangka eaeaki matapos rayang maeumos samtang nagapaligos sa suba sa may Brgy. Ugsod, Banga, Aklan.
Natabo ro insidente kainang hapon, kung siin ginkilaea ro biktimang si Renato Latore 36yo ag residente sa nasambit nga lugar.
Nasayuran nga nag saeampitan ro biktima ag daywa ka amigo kara nga maligos sa suba.
Samtang nagapaligos hay napan uhan it anang daywa ka amigo nga owa pa nakabutwa sa tubi ro biktima ngani insigida sanda nga nagpangayo it bulig.
Aminado ro daywa ka amigo it biktima nga nakainom sanda kat magpaligos sa suba.
Insigida man raya nga ginrespondehan it MDRRMO Banga pero gindeklara it patay ro biktima pag abot sa ospital.
Base sa MDRRMO Banga, ro biktima ro pang ap-at nga kaso it pagka eumos sa nasambit nga lugar. // ANN DESLENE SALAZAR
